للاطـلاع على الدراسـات الواردة فى الكتب عاليه عن شعر الشاعرة إيمان أحمـد يـوســف اضـغط هنـا >>>http://emanpoat2011.blogspot.com/
إهداء للحبوبة إيمان يوسف
ابدأينى بالحقيقة
قد إحساسك بروحك ... مكنينى
عالم الأحلام فـ قلبك فسرى لى
واضغطى الأوزان فـ شهقة واصدمينى
طاقه دى جوه الملامح يا صبيه !!
ولا ضحكة ... مدارية ... كل أفكارك جديده
منها دافيه ومستحيه ... منها صافيه وتروى ميه
يخترع قلبك قصايد ... سعاده عودها
موضوعاتك كلها واضحه ... وجريئة
حطه إيدنا على الحقيقه
ترفض الأنثى الخنوعه... والقضيه عندك انتِ
مش بضاعه تروجيها ... أنتِ حددتِ القصيده
إبداعاتك كلها بتضيف إليكِ...
لما عشتك شفت لونك
زى كوكتيل من تحدى ومن جنونك
بالصراحة باحترم وش الحقايق
وانتِ جايه بتعرضيها ... قد إيه سهله .. وبسيطه
والزحام اللى فـ مشاعرك... يرسمك ناعمه ورقيقه
واضحه جداً ... يملا جواكِ اتحادكِ بالخلايق
عارفه إيه أميز ما فيكِ ... شدنى وقربنى ليكِ
وانتِ فاهمه يعنى إيه ... أنثى واعيه تقرا شعرك
وبسهوله تحضنيها بين سطورك
باختيارى ... وقتها ... ومن غير ما افكر ... بلقى نفسى
باختصر فيكِ الحقيقه
وفاء جابر
27/9/2000
* الدكتورة مرفت محرم المنوفية :
"رايت فيك نور الصباح وعطرالزهور فى شعرك فاح وقلبى المفعم بحبك باح ونلت النجاح وكنت الكفاح دعائى لك دائما بالفلاح"
* محمد عبد الرحمن مصر:
"الف مبروك علي الموقع الجميل ده وعلي عضوية مجلس ادارة نادي القاهرة ودائما في تقدم ونجاح وترتقي اعلي المناصب في الدنيا والاخرة والف مبروك مرة ثانية "
داليا مجدى كامل القاهرة :
"الف مبروك لموقع الشعر الجميل من ارق شاعرة عرفتها
ودائما فى التقدم"
علاء جمعة أسكندرية /مصر :
"ألف مبروك على هذا الموقع الرائع ، ويارب مزيد من التقدم ، ومادام الموقع خاص بالشعر فيجب أن تكون تهنأتى أيضا بالشعر ، بأجمل ما قرأت للشاعر طاهر أبو فاشا يصف حالة الشاعر وهو يبدع شعرا ، وطبعا لايشعر بهذا الأحساس سوى الشعراء"
ماأشبه الشاعر فى غمرته.....
بممسك الخنجر من شفرته.....
يدافع بالمقبض عن حوزته....
يدمى فلا يدمى سوى راحته....
ما أجمل الشعر على قسوته....
مرة آخرى ألف مبروك
علاء جمعة
* أ. د. محمد زكريا عنانى : "إيمان يوسف واحدة من أبرز شاعرات العامية فى مصر الآن ولها حضورها الفعال فى لقاءات الشعر بالإسكندرية ... وقد تابعت مع توالى الأيام موهبتها حتى وصلت إلى هذه الدرجة العالية من الإجادة"
* أ.د. يسرى العزب : "إيمان يوسف تعلن انتماءها للموروث الأسطورى الذى بدأ منه خلود الإنسان ، تعود الأنثى المعاصرة إبنة البحر ، الإسكندرية ، مصر باختيارها الحكيم إلى حيث بدأ الخلق والتكوين"
* أ.د. زين الخويسكى : "إيمان يوسف تعبر فى جرأة شديدة عن موقف المرأة المتمردة الساعية وراء تغيير الواقع والراغبة فى الانفلات والتخلص من القيود التى ترسف حريتها فى أغلالها ."
إهــداء إلــى الأخت
الشـــاعرة الكبيرة / إيمان أحمد يوســف
بمناسبة صدور ديوانها "النيل واعدنـى"
مع أرق وأخلص تحياتى وأطيب أمنياتـى
محمـد أحمد طـه الأحد 11 / 8 / 2002
ـــــــــــــــــــــــــــــــــــــــــــــــــــــــــــــــــــــــــ
خطفنى ديوانك "النيلى"
قابلتك فيه وقولتيلى ..
كلام غير اللى ف التسعة
وخدنى للسما السابعه
وسهرنى ودوقنى انفعالاته
وكان مفرد بحالاته
ورحلاته ف كهوف النفس
ودمعاته فى بحور اليأس والتوهه
وسؤالاته اللى خبوها
ف عيون الشمس أحبابك وأعاديكى
بسوء الظن أو حسنه
وراحوا ف وادى وما زلتى
ربابه ف عشق واديكى
وآديكى ....
رسمتى الحلم من تانى على إيديكى
ملامح طير على غصنه
وشيلتى دمعته وحزنه
وبتحاولى ف سيل النزف
يوصل عزف أشعارك
بلحظة صدق موعدك لبر أمان
وبالإمكان ... نشيب فنحب نتصبى
ولو هبت رياح العمر ....
من مراياتنا نتخبى
فهل فاتك !!
بإن نخيلك الشاعر
طرح رغم الجفاف تمره
وإن قصايدك المشبوبة بالتباريح
ح تتحدى الزمن والريح
وتفضل ع المدى شابه
وبعد ده كله .... من يقبل ومين يأبى
أكيد ما يهمكيش أمره
ما دام إسمك على مسمى
ـــــــــــــــــــــــــــــــــــــ
محمد أحمد طه
الأحد 11 / 8 / 2002
